काठमाडौँ । सरकारले बैंक नोट बाहेकका सबै कागजपत्र नेपालमै छाप्ने व्यवस्था गरेको छ । सरकारका प्रवक्ता समेत रहेका सूचना तथा सञ्चारमन्त्री पृथ्वी सुब्बा गुरुङले सरकारसँग जोडिएका सबै स्टिकरहरु, हुलाक टिकट, लालपुर्जा लगायतका सबै कागजपत्र नेपालमै छाप्ने व्यवस्था गरेको बताएका हुन् ।
‘अबदेखी बैंक नोटबाहेक सरकारसँग जोडिएका सबै स्टिकरहरु हाम्रो सुरक्षण मुद्रण केन्द्रमा नै छापिन्छ ।’, उनले भने, ‘यही प्रिन्ट गर्छौं । यो वर्षदेखि बन्द गरेका छौँ । गएको वर्षसम्म हुलाक टिकट विदेशमा छापिन्थ्यो जुन बेलादेखि हुलाक टिकटको प्रयोग हुन्थ्यो ।’
त्यस्तै, उनले यसवर्ष कर्मचारी व्यवस्थापनको अभावका कारण भिसा कार्ड, हुलाक टिकट र लालपुर्जा जनकशिक्षा सामाग्री केन्द्रलाई छाप्न दिएको बताएका छन् । बैंक नोटको लागि छुट्टै मेसिनको आवश्यकता पर्ने भन्दै बैंक नोट खरिद नै गर्नुपर्ने उनले बताएका छन् ।
उनले हरेक मन्त्रालय, विभाग र सरकारसँग जोडिएको संगठनहरुले सूचना तथा सञ्चार मन्त्रालयलाई जानकारी गराएर मात्र डकुमेन्टहरु छाप्नुपर्ने बताएका छन् ।
प्रतिक्रिया दिनुहोस्