काठमाडौँ । शिक्षामन्त्री महावीर पुनले सिंहदरबार घेरेर मात्र देश विकास नहुने बताएका छन् । बुधबार सामाजिक सञ्जाल फेसबुकमा पोष्ट गर्दै पुनले यस्तो बताएका हुन् ।

उनले अहिलेको युवा पुस्तासहित भावी पुस्ताको भविष्य उज्ज्वल बनाउने एउटै मात्र बाटो फागुन २१ गतेको चुनावमा युवा नेताहरुलाई जिताएर बुढा नेतालाई बिदा गर्नु भएको पनि बताएका छन् ।

‘अहिलेको परिस्थितिमा सिंहदरबार घेरेर मात्र देश विकास हुँदैन भन्ने कुरा युवाहरूले खोइ त बुझेको ? अहिलेको युवा पुस्ता सहित भावी पुस्ताहरूको भविष्य उज्ज्वल बनाउने एउटै मात्र बाटो भनेकै फाल्गुन २१ गतेको आम चुनावमा धेरै भन्दा धेरै युवा नेताहरूलाई जिताएर बुढा नेताहरूलाई बिदा गर्नु हो । ’, पुनले लेखेका छन् । 

त्यस्तै, उनले बुढा नेताहरु लोभीपापी र स्वार्थी समूहहरुले घेरिएको पनि बताएका छन् ।