काठमाडौँ । लुम्बिनी विकास बैंकमा आगलागी भएको छ । शनिबार बैंकको चन्द्रौटा शाखामा आगलागी भएको हो ।
बिहान करिब ८ बजेको समयमा भएको आगलागीबाट बैंकमा भौतिक क्षति भएको स्वयम् बैंकले जनाएको छ । बैंकका अनुसार नगद तथा कानूनी कागजात भने सुरक्षित छन् ।
नगद र कागजात सुरक्षित भए पनि बैंकमा भएको भौतिक क्षतिका कारण बैंकिङ कारोबार सूचारु गर्न असहज भएको बैंकले जनाएको छ । सोही कारण चन्द्रौटा शाखाबाट कारोबार गर्दै आएका सेवाग्राहीलाई बैंकले केही दिन नजिकैको अन्य शाखाबाट कारोबार गर्न पनि आग्रह गरेको छ ।
आज (आइतबार) देखि भने सीमित काम हुनेगरि तयारी भइरहेको बैंकले जनाएको छ । बैंकमा आगलागी हुँदा भएको भौतिक क्षतिका कारण बैंकको सेवा प्रभावित भएको छ ।
प्रतिक्रिया दिनुहोस्